世界盃決賽周末 新界大型新盤開售分散客源 中原十大屋苑本周末睇樓量錄382組 創5個月新低

中原地產十大屋苑本周末預約睇樓量錄得382組，跌穿400組關口，按月回落5.9%，更創5個月新低。世界盃進入倒數階段，季軍戰及決賽均於本周末進行，睇樓活動略受影響；加上新界大型新盤明天首輪發售，已成市場焦點，鎖起大批購買力，料二手市場氣氛平平。預期世界盃落幕後，樓市交投將快速復常。

港島區方面，受周末天氣不穩、天文台預告降雨影響，加上正值世界盃決賽階段分散買家注意力，太古城本周末睇樓量錄得明顯回落，僅錄得 22 組睇樓預約，按周下跌約 15%。不過業主心態普遍維持正面，最新每呎實用叫價輕微調整至 18,900 元。

康怡花園本月暫錄1宗成交，平均實用呎價約11445元。隨著考試季完結，隨著考試季完結，早前暫停睇樓的業主及準買家陸續回復睇樓活動，帶動康怡花園本周末預約睇樓量按周增加5組至35組；每呎實用叫價則維持在14,900元，與上周持平。隨著家庭客重返市場，整體市況膠着局面有望逐步打破。

九龍區方面，美孚新邨本月至今暫錄11宗成交，比上月同期16宗有放慢跡象，本月平均實用呎價10873元。天氣持續不穩，加上元朗區有大型新盤推售，分散市場焦點，區內睇樓氣氛稍稍下降。美孚新邨本周末預約睇樓量按周下跌7.1%，報65組，每呎實用叫價徘徊11600元水平。

本周末有元朗大型新盤開售，雖然客源未有重疊，但仍會搶去市場焦點，區內睇樓氣氛平平。麗港城本月至今暫錄5宗成交，比上月同期7宗略為放慢，平均實用呎價最新報11833元。屋苑本周末預約睇樓量僅60組，按周回落7.7%，每呎實用叫價亦同步下調至12700元。

新界區方面，沙田第一城本月至今暫錄約3宗成交，實用平均呎價約14609元水平，較上月同期減少約6成多，屋苑本週末錄約45組睇樓量，較上星期回落5組或10%，主要是世界盃賽事已到尾聲，部份睇樓活動受影響，加上近期業主叫價開始傾向進取，增加買家入市難度，短期內拖慢二手交投步伐。

下半年新盤積極登場，本周六元朗芊御首輪發售吸引市場焦點，大批購買力被搶走，加上最近持續降雨，嘉湖山莊睇樓量明顯減少。隨著筍盤早已消化，業主叫價態度強硬，樓價持續上升，買家開始不願高追，令成交受壓。嘉湖山莊本月至今暫僅錄得5宗成交，本周末預約睇樓量再減2成，僅錄約40組，短期內市況料難改善。