download BusinessFocus app
Foodie四出「搵生意」付錢可「寫靚啲文案」 被食店批如古惑仔收陀地

Foodie四出「搵生意」付錢可「寫靚啲文案」 被食店批如古惑仔收陀地

Business News
By Jenny Lam on 21 Mar 2022
Digital Editor

年輕人興起Foodie這類美食KOL的文化,人人都可以化身食評家,但近年愈來愈多滲入商業元素,惹人反感。尤其是封關兩年的情況之下,各地Foodie更是層出不窮「搵生意」,最近就有一位澳門Foodie因向餐廳索取廣告費,引起兩地網民關注。

事源澳門一間泰國餐廳的一則Facebook貼文,帖文中公開一段來自Foodie的訊息截圖。該Foodie提到在餐廳拍攝後,詢問其是否介意贊助貼文,而廣告費會「按慣例店家一般會比$200-$500視乎預算嘅」。其後更表示,若餐廳選擇出錢買廣告則會「執靚啲文案」,否則就會「比較直率」,並解釋此舉是「因為想對啲會付出嘅店家公平」。

澳門一家泰式餐廳在Facebook專頁發布的一張來自Foodie的訊息截圖,成為港澳兩地的網絡熱話。Photo from BusinessFocus

針對該位Foodie的行為,餐廳批其如「現代古惑仔收陀地招數」,並推測大部分商家都已中招,因為餐廳一向秉持「算啦算啦,一陣寫衰我無人嚟咪仲慘,幾百蚊當俾宣傳啦」,又訴苦道「因為係澳門只要餐廳還擊就一定係餐廳蝕底,小器無公關唔識做生意」,直斥這班「直率真Foodie」因此可以無本生利,正如有網民所講「食完仲想屈錢真好搵」。

同一時間,網上湧現大量網民負評,不少網民形容此舉是「真係乞衣咁好肉酸」,「乞衣都未夠,直程係黑社會」;又有網民表示憤怒「最憎呢種foodie成班乞衣」;都有網民慨嘆道「澳門係咪冇晒賭業搞到要做乞衣」,「依個時勢仲係到勒索啲食店」。

除此以外,網民頗為關注該位Foodie的公平原則,令網民質疑是否「有錢就好食、冇錢就難食」。對於餐廳店主選擇公開此行為,網民紛紛表示支持,有網民留言「公開呢啲事情最好,對付呢啲名符其實嘅『率直乞食』,係要率直公開先得,否則對其他率直畀錢食麵嘅人唔公平」。

對於食店選擇公開此事,大量網民紛紛留言支持。Photo from BusinessFocus

事發之後一日,該Foodie帳號才在晚上發聲明回應,表示自己「全無所謂的敲詐和勒索之心」,又稱會改善因未收到店方即時回覆而扣分的偏激行為,並解釋過往所收金額全數用於廣告,保證「從未有私吞任何金錢」,同時希望網民給予改正機會,以及停止言語騷擾侮辱。

網上瘋傳港澳網民批評後,該Foodie帳號在晚上發聲明回應事件。Photo from BusinessFocus

不過,聲明反而再度引起網民批評,有網民留言「點解睇完,你都覺得自己無錯」,「點解打咁多字都可以感受唔到任何歉意,犀利」,「本地中小企經營困難,貴平台為何還雪上加霜呢」。

而且,由於帖文文末提到,未經同意而使用其照片的情況,不排除報警處理,同樣惹起網民不忿。有網民留言稱「笑死,不排除報警處理,人地都未報警,你報警?」,「勒索唔成仲要報警,係都人哋報警先啦」,「報警囉,收陀地勒索仲咁大聲,澳門仲有無王法?」,可見此舉難平網民怒火。

其實,近年來網上針對Foodie的種種負評,早已屢見不鮮。幾年前已有網民提出過「Foodie本質其實無問題,係俾人做壞風氣」,「最主要係做壞風氣,搞到個個以為揸部相機,可以食免費餐,可以揸正牌做閪客」。時至今日,餐飲業在疫情中遭受多番打擊,但仍有Foodie向餐廳索取贊助費,難怪港澳兩地網民們怒氣難消。

Text by BusinessFocus Editorial

免責聲明:本網頁一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本公司無涉。投資涉及風險,證券價格可升可跌。

🏆 立即報名「中小企卓越成就獎2024」

【了解更多最快最新的財經、商業及創科資訊】

👉🏻 追蹤 WhatsApp 頻道 BusinessFocus

👉🏻 下載 BusinessFocus APP

👉🏻 立即Follow Instagram businessfocus.io

最新 金融投資熱話專頁 MarketFocus