【單用期權】晶片股王英偉達跌1成 20年數據顯示趁低吸納時機到？

By 單用期權 on 05 Sep 2024

NVDA顯示卡由砌機界既奢侈品再十級跳變成美國龍頭股！但最近一季都曾下跌超過10%！到底既AI概念股係大限已到？還是僅屬「高位整固」繼續上？

顯示卡為何變成奢侈品？

過去十年nvda做的顯示卡一直都係砌電腦必備既零件之一，但對畫面要求不高的用家如LOL玩家及文書機來說，其實顯示卡都係可有可無，成為砌機界既奢侈品，到早5年起不論係intel開發嘅CPU，定係AMD開發既APU，在低階至中階嘅芯片之中都會有「內顯」，而有「內顯」之後當買CPU砌電腦時，就不需要搭載任何顯示卡都可以有「夠用」的畫面輸出。

當然「內顯」開發技術亦係AMD及intel最常比較技術位置之一，所以「內顯」功率在一次又一次嘅發佈會之中，新model的「內顯」速度每次都有爆炸性的加強，加上有不同的公司如AMD亦開始出售能與NVDA效能比較的顯示卡，令nvda顯示卡的銷售減少最終影響公司市值。但到了最近3年，點解nvda市值股價又會十級跳，仲成為SPX指數既四大權重股？

NVDA 崛起原因！

AI自2023年起開始廣泛地被人使用，最大原因是顯示卡能夠提供處理大數據的算力，硬件顯示卡因為再不只局限於砌電腦，而是可以為演算法提供算力的重要部件。NVDA同時亦加速開發顯示卡的技術，現時首10大算力的顯示卡晶片都是NVDA出產，所以如果需要開發「AI」，算力硬件都由NVDA包辦。

大好前景底下，NVDA一躍成為S&P 500的4大權重股，現時佔SPY指數成份6.18%，僅次於Apple及Microsoft（圖A）。最近三年NVDA升幅高達400%，但在上一季升幅只有5%，以及踏入9月短短幾個交易日後就曾一度回調超過10%，自NVDA在6月20號見今年高位140.76升幅開始減退。不過在歷史記錄之中，nvda過去 20年有18次在9月7號低位到10月26號前，股價都會有90%機會率上升7.55%。而在最後一季即是由10月26日最低價到12月18日，nvda亦有90%機會上升12.68%，加上現時開發AI是不需要受到任何監管，這亦是可看好的原因。