【戴耀豪專欄】聖誕月基金經理出手撐大市 弱市下航運股先見升勢 「博大市小反彈」

恒指暫時睇落都會弱勢少少，留意返阻力位會喺23800點位置，阻力都真係比較大，因為暫時見到個勢都係碌緊落去。

支持位就睇下23100點頂唔頂到啦，嚟緊呢個星期主要睇住呢個位置，都幾重要，如果守到23100點，個市係幾有機會會見到一啲技術性反彈，如果有貨喺手可以冇咁驚，可以捱住先。

Photo from BusinessFocus

Photo from BusinessFocus

而之前同大家提過，12月一班基金經理好可能會做Window dressing撐起個市，見到真係有部分板塊都開始有返啲升勢，例如係航運股，唔排除仲有其他板塊亦都會陸續跟升，所以有貨就可以揸住先，博一博大市嚟緊有個小反彈。

利益申報：
本人沒有持有上述文章提及的股票

戴耀豪
結好證券客戶投資組副總裁

免責聲明：本網頁一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本公司無涉。投資涉及風險，證券價格可升可跌。