【龔成專欄】富家子嘆讀書不成「唔想變廢物富二代」龔成：可學做小生意多讀理財書改變人生

【引言】有年輕讀者來信給財經書籍作者兼股評人龔成，指他自己生於有錢家庭是富二代，但他讀書不好，又不想變「廢物富二代」，故尋求指引自己希望終有一天可超越自己父親。龔成指若希望成功，最重要是肯努力及不氣餒。他建議年輕人學做小生意，在真實環境學習怎樣才可以賺錢，並多閱讀與商科、經濟、會計及理財有關的書籍，學懂財務知識最重要。然後年輕人可以請家中成人幫自己開一個投資戶口，從小量的金錢開始學習投資。

【不做廢物富二代！（理財個案分享）】

成哥，我係富二代，我仲讀緊書，但我唔想做廢物富二代，我想超越我阿爸，但我讀書同體育都唔好。我對經濟等有D興趣，我應點做？請教！

個案重點：

‧ 富二代

‧ 讀書同體育都唔好

‧ 對經濟有興趣

重點目標：

‧ 想超越阿爸，唔想做廢物富二代

Photo from 不少人都渴望能出生旅富裕家庭，但其實富家子女常會承受很大的心理壓力

龔成老師分析：

我明白你的情況，你一句「要超越阿爸」，我睇得出你唔係某些一事無事的富二代，而係一個有用、有目標的人，只係你呢一刻未清楚。

首先，你要找到自己的夢想、興趣、強項、目標，先知道條路點行，你對經濟有興趣，你其實有幾個方向。

1.如果你老豆有公司，你大個可能會入去做，咁你要學的就是「生意」、「管理」，呢做方案你要讀書，最好選商科，入工商管理。同時有時間自己試下搞小生意。

2.你對做生意可能有興趣，這可能是你將來的發展，你而家已經可以試下做小生意，客戶是你的同學，我自己都係小學已自己做小生意賺錢。

3.你對投資方面有興趣，而家你可以從學校及以外去學，學校方面，就是讀商科，經濟、會計、商業理論，都係對投資有用的知識。以學校以外，就是自己主動睇多d投資書，甚至可聽下坊間的課程講座，認識左基礎後，叫個大人幫你開個投資戶口，細細地玩下，訊識咩係投資。

憑你一句「要超越阿爸」，我知道你將來可以有成就，問題係你點樣行呢條路，重要的係你要保持這樣的一顆心，你就總會做到的。

我強烈推介你睇幾本書：

《洛克菲勒寫給兒子的38封信》

《我十一歲，就很有錢》

《富爸爸，窮爸爸》

係呢幾本書中，你會找到你人生的方向，以及成功的方法。當然，你有興趣都可睇埋本人的《80後百萬富翁》，對你都有幫助的。

Photo from 《窮爸爸富爸爸》可能是近年最有名的理財書籍

Photo from 龔成撰寫的理財書籍

===============================================

龔成老師簡介

‧ 暢銷書《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》作者

‧ 理財真人Show節目擔任致富教練

‧ 曾接受多個傳媒訪問

‧ 過往於銀行從事投資相關工作多年

‧ 曾在萬多元月薪狀態下，憑股票累積數百萬財富

‧ 於網上分享投資心得，瀏覽量過百萬，為人氣博客，解答網友理財問題逾20,000條

‧ 專欄作家

‧ 證券業持牌人士

‧ 股票課程導師，學生人數逾4,000人

‧ 過往10年投資成績，過半能獲利超過1倍以上

Facebook專頁「龔成」粉絲人數超過200,000人

若然你有問題想向龔成老師發問，可在龔成的fb專頁中（www.facebook.com/80shing）inbox龔成。

===============================================

Text by BusinessFocus Editorial

免責聲明：本網頁一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本公司無涉。投資涉及風險，證券價格可升可跌。