特朗普再轟聯儲減息慢歐洲9拍 就業數據疲弱 美股有危機?

美國總統特朗普早前又在社交平台Truth Social上開火，炮轟美聯儲主席鮑威爾，話佢要即刻降息！事緣美國5月ADP私營部門就業數據出爐，僅增3.7萬個職位，遠低於市場預期的11.4萬個，令人失望。特朗普在帖文直指鮑威爾「太遲了」，並拿美國同歐洲比較，話歐洲已經降息9次，暗寸聯儲行動遲緩。這番言論與市場對即將週五（6月6日）公布的5月非農數據嘅高度關注，無疑又為金融市場增添幾分火藥味。而大家要留意未來兩個月左右，留意美股會否下跌。

ADP數據由ADP研究所同斯坦福數字經濟實驗室合作發布，作為非農數據前嘅「前菜」，市場對呢份報告向來寄予厚望。點知今次數據遠遜預期，令投資者開始重新審視美國經濟同聯儲貨幣政策嘅走向。

雖然就業增長唔理想，但ADP首席經濟學家內拉·理查森博士提到，無論係留任者定換工人士，5月薪資增長依然強勁，幾乎無乜變化。不過佢亦指出，年初招聘勢頭強勁後，最近似有放緩跡象。呢啲信號，對於市場預測通脹同聯儲政策走向，可謂至關重要。

講到通脹，市場現時焦點集中喺勞動市場表現。構成通脹嘅三大因素——油價、房租同勞動力市場——近期都有新動向。油價方面，由於美國係主要石油出口國之一，加上OPEC+持續超額增產，油價下行有助壓抑通脹壓力。房租方面，美國打擊非法移民政策亦令租務市場降溫，進一步減低通脹壓力。喺呢啲背景下，隔夜「小非農」數據遠低預期，直接觸發10年期美債殖利率創5月15日以來最大單日跌幅，反映市場對經濟放緩同降息預期嘅敏感反應。

投資者現時最關心的，無疑是周五公布嘅5月非農數據。作為6月聯儲議息會議前嘅最後一份就業報告，若果非農數據同樣顯示就業增長放緩，市場對聯儲降息嘅預期勢必進一步升溫。10年期美債殖利率作為市場風向標，備受關注，其走勢受美國經濟、通脹同聯儲貨幣政策（如量化寬鬆）等因素共同影響。若近期美中領導人通話未能有實質進展，市場對美國經濟衰退同通脹走低嘅擔憂將加劇，10年期美債殖利率或再試4月7日低位4%水平。一旦跌破，美元匯價料將進一步受壓。

值得一提是的，美國債務上限問題亦為市場增添變數。特朗普週三（6月4日）在社交媒體上高調呼籲廢除債務上限制度，話要避免經濟災難。佢推動嘅稅改法案預計將令國家債務上限再增4萬億美元，推高至40萬億美元（現為36萬億美元）。不過在周期上，大家要留意未來兩個月左右，留意美股會否下跌。因為小龍曾經講過急升就會急跌，大家要留意會否在本月找到高位之後，之後兩個月左右會下跌。

小龍

江恩理論及時間周期專家，陸港台出了多本著作及受不同媒體轉載文章，多次提前預測大市轉勢時間。

免責聲明：本網頁一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本公司無涉。投資涉及風險，證券價格可升可跌。