中原十大屋苑11月錄144宗成交 按月跌38.5% 今年首11個月累計1964宗 已超去年全年 周末睇樓量錄432組 按周跌9.2% 創6周新低

中原地產十大屋苑11月錄得144宗成交，按月急跌38.5%，當中9個屋苑均錄得跌幅，只有美孚新邨最受歡迎，不跌反升。今年首11個月，中原十大屋苑累積錄得1964宗成交，已超越2023年全年1910宗交投量，反映本年整體二手交投活躍。睇樓量方面，中原十大屋苑本周末預約睇樓量報432組，按周跌9.2%，創6周新低。自九月中本港銀行跟隨美國減息後，二手交投即時起動，上月交投十分暢旺，尤其是藍籌屋苑，平價筍盤早已被市場極速消化，部份心雄業主亦收窄議價空間，加上市場普遍觀望中美關係的發展，令本月二手交投略為放慢，部份買家已逐步轉移視線至二三線平價屋苑，成交面更廣，二手整體交投仍算穩健。

太古城本月暫錄23宗成交，按月減30.3%，成交宗數雖減少，但本月錄數宗平均呎價逾1.5萬元的優質單位成交，因此平均實用呎價不跌反升6.7%，報14783元。太古城本周末睇樓氣氛不俗，錄27組睇樓預約，較上周多1組，每呎實用叫價約17900元。

海怡半島本月暫錄9宗買賣成交，較上月全月19宗急跌逾5成，平均實用呎價約12572元。一手新盤開售搶去市場購買力，加上平盤於上兩個月已被市場消化，筍盤選擇減少，窒礙買家入市步伐，連帶睇樓氣氛亦轉淡，本周末海怡半島錄25組睇樓預約，按周減少10.7%，每呎實用叫價15885元。

九龍區方面，美孚新邨本月最終錄得24宗成交，比上月多2宗或升9.1%，平均實用呎價則輕微下調至9693元，呈價跌量升局面。睇樓量方面，因細價筍盤已被市場快速吸納，美孚新邨本周末預約睇樓量僅報60組，按周回落7.7%，料周末交投平平。

11月為零售傳統減價月，市民忙於購物為家中添置新物，睇樓活動稍減。麗港城本月僅錄得12宗成交，按月下跌14.3%或減少2宗，交投略為放慢，平均實用呎價最新報10440元，按月跌幅1.4%，交投價量齊跌。屋苑周末睇樓氣氛亦未有好轉，本周末預約睇樓量報60組，按周跌14.3%。睇樓氣氛平平，相信有意沽貨的業主需進一步擴大議幅才能吸引買家承接。

新界區方面，沙田第一城11月共錄約12宗成交，對比上月錄31宗跌61.3%，平均實用呎價12046元水平，亦較上月跌約8.4%，價量齊跌，近期市場上好淡因素爭持，買家入市心態較猶豫，整體觀望氣氛濃厚，加上節日氣氛漸濃，亦影響買家入市意欲，屋苑本週末錄約55組睇樓量，按週跌約8.3%，料近期二手交投平穩發展。

嘉湖山莊本月價升量跌，錄得24宗買賣成交，較上月43宗減少44.2%，平均實用呎價8148元，按月則上升1.2%，連升兩個月，創5個月高位。受減息等連串利好因素刺激，嘉湖山莊上月交投急增，隨著筍盤被消化，業主收窄議價空間，加上新盤爭相減價搶走購買力，令本月二手交投氣氛逐步回落，連帶睇樓量亦減少，但筍盤仍具承接力。本周末屋苑錄得約70組睇樓預約，按周減少12.5%，每呎叫價則持平於9000元水平。臨近年尾，節日氣氛漸濃，加上市場好淡因素爭持，預計下月交投氣氛將進一步減慢。