【陳刀仔專欄】大選年美股是吉是凶？ 下半年股價多向好 買標普500指數較穩陣?

今年11月5日就會舉行美國總統大選，雖然看似遙遠，但未來幾個月一定會成為話題嘅焦點之一，亦都係美股面對嘅風險之一。呢啲風險有可能影響投資人嘅信心，而家睇返Fed利率政策仲唔係好清晰，企業嘅獲利壓力亦有可能持續到2024年上半年。喺政治攻防激烈嘅情況底下，咁會點樣影響美股嘅走勢？投資人又應該點樣處理自己既投資組合？今日就同大家分析吓。

Photo from BusinessFocus

大選年美股走勢

Photo from BusinessFocus

先講結論，雖然美國總統大選可能會帶動市場嘅波動，美國總統大選嘅結果唔夠扭轉股市嘅中長期趨勢。但都有啲論點話，現任總統通常會係投票之前推行新政策或者減稅，以振興經濟同埋情緒。根據Factset嘅研究，係選舉日之前同埋接近選舉日時，股票同債券市場嘅波動性都會短暫飆升，但都唔係完全關選舉事，有時都有可能係其他經濟因素影響。

Trump係2016年大選突然勝出，對金融市場造成咗好大嘅影響，但呢家華爾街已經開始準備應對佢有可能再次勝選嘅可能性，所以唔會似之前咁劇烈波動。不過，如果出現選舉開票同核實嘅技術性問題，導致選舉結果唔確定，預計風險較高嘅資產類別就會跌，直到情況明朗為止。

喺過去20年入面，市場喺大選後嘅表現大部分都會繼續遵循大選日之前嘅趨勢。例如，股市分別係2004年、2016年同2020年都呈上升趨勢，而2008年就因為金融危機而呈下降趨勢。呢啲都代表美國總統大選嘅結果唔夠扭轉股市嘅中長期趨勢。

標普500指數喺美國總統任期嘅第四年（即大選年）通常表現強勁。喺自1928年以來嘅24個選舉年中，標準普爾500指數有83%嘅機率取得正報酬，平均回報率接近+12%。呢個遠高於標普指數自1928年以來+9.8%嘅平均回報率。年。如果係總統「第一任期」嘅大選年，平均升幅約+13%，上升機率100%。

總統選舉週期理論係由《Stock Trader's Almanac》創辦人Yale Hirsch提出嘅。呢個理論認為，在總統任期嘅後半段，尤其係任期嘅第三年，當在任總統試圖提振經濟以獲得連任嘅時候，市場表現最佳。另一個有趣嘅係，通常係在連任前兩年避免咗經濟衰退嘅總統最終都會獲勝，而係連任前兩年內出現經濟衰退嘅總統最終都會失敗。不過由於樣本量有限，很難得出明確嘅結論。

美國股市喺四年總統任期間每季嘅平均表現。喺Biden擔任總統嘅前三年裡，標普500指數一直緊跟著四年選舉週期嘅歷史法則。如果呢個模式延續到2024年，由於歷史上四年週期嘅最後一年（即選舉年），股市通常有強勁嘅表現。呢代表今年市場有好大機會再升返，但投資人都要留意，選舉年第一季嘅走勢通常都相對疲軟。

選舉年中各個月份的表現

喺下圖可以見到，美股1～5月呈現震盪走勢，6～8月夏季出現反彈，而大選前嘅政治動盪最激烈嘅9～10月通常會有下跌，11～12月迎來選後大反彈。簡單嚟講，選舉年第一季美股表現普遍平淡，一般嚟講要等到下半年先會有相對亮眼嘅表現，尤其係大選結果定型之後嘅第四季上升嘅機會特別高。

Photo from BusinessFocus

總統選舉週期理論與歷史市場表現

總括而言，總統選舉週期理論的預測力是充滿不確定性。儘管整體而言，總統任期的第一年和第二年的平均市場回報略顯疲軟，由於美國總統選舉每四年發生一次，自1933年以來只發生了23次選舉。數據樣本的不足很難得出明確的結論。

該理論基於對總統權力的過大估計。在任何給定的年份，股市都可能受到與最高執行官無關的任何數量的因素的影響。由於經濟日益全球化，總統對經濟的影響力也受到限制。政治事件或自然災害，甚至其他大選或國際事件，都可能影響美國市場。

歷史數據表明，與選舉結果相比，經濟和通膨趨勢往往與市場回報有著更強、更一致的關係。一般而言，經濟成長上升和通膨下降與高於長期平均的回報相關，而成長下降和通膨上升則對應著正但低於平均的市場回報。對於投資人來說，在預測市場表現時，關注這些模式可能比潛在的選舉結果更有可能得到超額回報。

陳刀仔

Photo from BusinessFocus

Text by BusinessFocus Editorial

免責聲明：本網頁一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本公司無涉。投資涉及風險，證券價格可升可跌。