【小龍專欄】全球石油巨頭的戰爭紅利 血淋淋的額外利潤1.8萬億 股民暑假要小心

最近睇到一篇關於中東局勢同能源巨頭嘅分析，感觸良多。戰爭對好多人嚟講係災難，但對某些人嚟講，確實係一場血淋淋嘅「意外之財」。根據最新數據，自中東危機爆發以來，全球石油巨頭嘅利潤表正以史上最快速度膨脹。預計到今年年底，呢啲公司嘅額外獲利將超過 2,340 億美元（約1.825萬億港元）。

呢個數字背後嘅真相係：當大家喺加油站捱緊貴油嘅時候，沙特、俄羅斯等產油國同埋大型石油企業，正從地緣衝突導致嘅供應鏈混亂中掠奪財富。最諷刺嘅係，講咗幾十年嘅「能源轉型」同「環保承諾」，喺地緣政治利益面前，瞬間就被抛諸腦後。

雖然石油公司賺到盡，但作為投資者，我哋唔係要跟風恐慌，而係要冷靜觀察市場情緒嘅臨界點。早前我一直觀察住油價走勢，並喺文章中同大家分析過「油價三頂」嘅技術形態。當市場充斥住「油價會升破天際」嘅恐慌聲音時，圖表話畀我知，動能已經出現背馳。我準確捕捉到三頂成型後嘅阻力，果斷部署回套。

隨住地緣溢價暫時消化，油價如預期回落，令我喺呢波波動中大賺了一筆。呢次操作再次證明：地緣政治決定方向，但技術指標決定入市點。對於接下來嘅市況，我有兩個核心判斷：

中東危機暫時「熄火」： 雖然局勢依然繃緊，但各方博弈已進入一個相對平衡嘅階段，衝突可能暫時停一下，油價短期內好難再單邊爆升。股市進入「深水區」： 雖然油價回穩，但 2026 年嘅股市會非常波動。通脹壓力、高息環境嘅滯後效應，加上環保政策嘅反覆，會令資金流向變得極度敏感。正如跟本刊的訪問中，要小心六七八月。

小龍

江恩理論及時間周期專家，陸港台出了多本著作及受不同媒體轉載文章，多次提前預測大市轉勢時間。

免責聲明：本網頁一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本公司無涉。投資涉及風險，證券價格可升可跌。