【戴耀豪專欄】別小看Omicron影響 宜靜觀其變 今天期指結算日 「別亂博好倉！」

聖誕節臨近，最先在南非發現的Omicron在比利時、英國、德國、意大利、香港等地陸續出現，由於病毒有大量刺突蛋白突變，可能減弱疫苗效用，各地政府大為緊張，即使未有發現個案的地方，也收緊入境防疫措施。

投資者先唔好睇小新型變種病毒嘅影響，提防市場有機會出現短暫性嘅恐慌。

Photo from BusinessFocus

Photo from BusinessFocus

咁我暫時睇整體大市短期我都會睇淡少少，因為都見到恒指夜期跌穿埋24000點大關，最低見過23800點，都比恒指低水超過280點，留意今日係期指結算日，短線最好都畀返少少耐性，適宜靜觀其變先，唔好太急進住啦！建議大家都控制吓注碼，繼續儲下子彈先。見到圖表上恒指都繼續守喺各條主要平均線（十天、二十天、五十天平均線）下面，勢頭都係繼續弱。

10天線：24097點
20天線：24099點
50天線：24094點

我預期大市最差有機會試返之前底部，即係落到23600點左右，甚至再穿，所以大家唔好立亂博好倉啦！因為見到美團（3690）上個禮拜五（26日）收市後公布份業績都差過市場預期，經調整後虧損都去到55億元人民幣，相信對大市預期都有一定影響。

嚟緊都要注意返個成交金額個量大唔大，如果成交繼續弱，短期內都好難推返郁個大市，始終缺乏資金入市，冇資金流嘅話，個市都會比較靜少少啦！

除咗資金流弱啲，內地政策陰霾繼續籠罩大市，政策出台同港股上調印花稅都對大市有啲影響，短線大市都係弱，雖然唔排除短期有少少反彈，但大家都係保守少少先啦，留意埋期指結算後走勢先再作部署會比較穩陣！

利益申報：
本人沒有持有上述文章提及的股票

戴耀豪
結好證券客戶投資組副總裁

免責聲明：本網頁一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本公司無涉。投資涉及風險，證券價格可升可跌。