三次股災輸身家 靠兩招成功翻身 莫家強：我曾經都係典型散戶

最近一年以來，無論港股、美股及幣圈，相繼出現過數次嚴重股災及幣災。最近全球第二大交易所FTX爆煲，令眾多投資者損失慘重之餘，更為投資市場帶來諸多負面影響。《美股期權》作者莫家強早年間亦有類似經歷，試過差點輸到要賣樓還債，當他下定決心學習正確投資概念，其後透過運用兩大期權策略，最終得以成功翻身。他強調，「其實要避股災一啲都唔難。」

莫家強既是資深期權投資者，亦是投資專欄作家，曾任職股票分析員，以及證券行前副總裁。他卻形容自己曾是一名「典型散戶」，試過買股票差點輸到要賣樓還債。回顧輸錢經歷，他最早是從2004年開始買股票，當初只是小注買股票，等到贏錢後卻嫌棄股票賺得不夠多，於是為加大本金去借錢玩孖展，繼而再玩窩輪。他表示，「最犀利果段時間試過賺過百萬盈利，20幾歲後生仔，你出去食飯買嘢唔洗睇價錢。」

Photo from BusinessFocus

然而，2008年金融海嘯，他卻「輸光輸淨輸到連本金都冇」，只能重新出來工作賺錢還債，但這只是第一次輸身家。當他賺到錢又再重新入市，不幸撞上2011年歐債危機，他又再次輸身家。據其回憶，這次比上次更嚴重，輸到連結算的勇氣都沒有。可惜，他仍然沒有吸取教訓，兩年後又遇上內地錢荒，由於所有投資內地金融股都輸錢，正好他在買國企指數的Short Put，因而再輸多一次。

據他所述，當時輸幾萬元不肯止蝕，等到輸10萬元又不肯認輸，接著再輸到幾十萬又不甘心，於是他選擇「博一舖」，結果當然是成功賺到錢。雖則如此，但他強調，「我真係博輸咗，我就真係跌完賣樓還債，咁成個人生會唔同晒。」，奉勸大家量力而為。

經過這三次輸身家，他終於意識到問題所在，下定決心找出輸錢原因，同時學習正確投資概念，自從之後再遇股災亦沒有輸過大錢。他認為，「即係好多時股災啲嘢，其實你問我係好人為，係特登做出來。所以唔需要話去擔心有冇股災，股災一定會出現。」既然股災必然會出現，他便選擇逢熊市不玩股票，「逢親跌市我就唔玩， 逢親跌市我就沽貨揸現金。熊市老實講，我自認唔識玩。」

Photo from BusinessFocus

熊市固然要及時止損，牛市卻要順勢而為。他解釋道，「我鍾意買有前景嘅股票，有一樣嘢係順勢而行，如果隻股票繼續升，你就繼續揸住佢。」因而只要某個股票越升越穩，他便會慢慢加注。他更透露，根據過往對於牛熊市週期的分析，2023年即將進入牛市，提醒投資者把握入市機會。

儘管牛市要順勢而為，但莫家強都強調，牛市時手持正股並非十足安全，反而應該搭配期權策略，保證股票下跌時亦有錢可賺。不過，他亦表示，「學期權好大問題係，好多人覺得呢件事好複雜、好難、好危險，初期會懷疑。」於是他將之歸納成出兩個重點期權策略，分別是Long Call （大升）及Short Put（跌有限），「Shot Put幾時用，你覺得個市唔跌得去邊可以做；Long Call 幾時用，唔係睇升，係睇大升。」此外，莫家強特別提醒投資者，不要隨便用Long Call，必須等到市場夠瘋狂，你才能與它一齊瘋狂。

至於更多期權策略，莫家強則盡數收錄在第一本著作《美股期權》。他表示本書目的在於幫人賺錢，「呢本書好簡單講一啲招數，招數就係我用過，係真係賺到錢，但係招數要配合概念學。」當然，為了專心教授正確投資觀念，他更辭去經紀工作，定期亦會拍攝投資教學片，期望以過來人身份，幫助散戶用期權賺錢。最後他說，「巴菲特同貝索斯曾經傾過一次，有一句說話幾精警，個個都唔想慢慢地致富。」

Text by BusinessFocus Editorial
免責聲明：本網頁一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本公司無涉。投資涉及風險，證券價格可升可跌。