download BusinessFocus app
【龔成專欄】Coinbase遇熊市大跌7成 龔成:高風險但亦高潛力 投資須設上限 切戒愈跌愈買

【龔成專欄】Coinbase遇熊市大跌7成 龔成:高風險但亦高潛力 投資須設上限 切戒愈跌愈買

Investment Bloggers
By 龔成 on 06 Jun 2022
專欄作家

美國唯一已上市的加密幣交易所Coinbase(COIN)上市後遇上比特幣熊市,股價累跌七成,有讀者猶豫這是否趁低入市的黃金機會。投資書籍作者兼股評人龔成認為,Coinbase雖然監管風險很高,但其實很有潛力,因為它的收入主要來自交易費,加密幣牛市還是熊市對它收入影響不大,而且它也正在積極開發NFT業務,值得留意。但由於股價波幅極大,故龔成認為Coinbase只適合能承受高風險的投資者,並只宜小注投資,最好「慢慢分注買入」而非一炮過出手。另外散戶應設立投資總金額上限,若已達上限便不能加注,絕不能愈跌愈買。

加密幣幣災,連累Coinbase股價一年內大跌7成。Photo from BusinessFocus

【Q26342:Coinbase暴跌是否入市好時機?】

Shing kung sir,

我係股票班舊生,想同你討論下近排虛擬貨幣熱潮減退。

1. 因為加息縮表等大環境因素,大幅回落,同埋有報導話未來一年會成立一個統一嘅加密貨幣監管組織,是否長遠會有利加密貨幣有秩序發展,增加透明度,大眾接受程度多咗?阿sir你對呢個組織有咩睇法?

2. 而家加密貨幣熱潮冷卻咗交易量低咗,中短期影響coinbase業績, 但加密貨幣長遠配合元宇宙及NFT嘅發展(年輕一代接受程度較高),覺得現時投資coinbase,似係絕佳機會(長線7至10年十倍股嘅機會係咪高咗?阿sir你又有冇咩睇法(之前問過你,你喺facebook話風險度高咗,係指邊方面?

加密幣或相關的股票屬高風險投資。Photo from BusinessFocus

龔成老師︰

1)以本質來說,這是人為創造出來的,絕對不是「資產」,有沒有真正的價值,如何定義真正的價值,未知。佢長遠的價值,取決於「有多少人用」,即是說,雖然無真實價值,但可以有「交易價值」,如果長遠好多人用,的確可能有高價值。

其實過往加密貨幣大升,除了因為市場認受性高左之外,全球印銀紙都係一個重要因素。所以,現在收水,不論傳統資產市場,定新興的加密貨幣,都必然受到影響。

但我地分析任何投資項目都好,一定係睇長線和件事架本質。如果你分析後,覺得佢有價值,係可以投資。但虛擬貨幣現時仍處於發展階段,風險度仍然存在,投資不能大注。至於監管,任何監管對市場都會有負面影響,不過長遠睇,是希望行業有更正面的發展,不是完全無好處。

由於個監管係未落實,好多野都唔知,所以而一刻好難評價。不過,要落實一套全面適合全球市場應用的國際標準,其實都幾難。我反而建議你多留意,所屬地區或國家性規管,對你可能造成的風險,會更重要。

2)7至10年,能否有10倍的升幅我不知道,因爲這股好難定義平貴,當大環境改變時,就算股價跌一半都不代表便宜。但我地投資佢,目標一定係以倍數計。

我話風險高咗,是因爲加密貨幣市場複雜左。愈來愈多大型機構參與,加上監管聲音多左,因此(Coin)的不確定性變大。而且,Coinbase上市以來,經歷首個加密貨幣熊市,都會令佢波動大左。

要視乎加密貨幣市場,而我地好難知會走去那一邊。現時正處不利的一面,至於日後會否好轉,好難講。現時幣市較弱,但Coinbase收入主要來自交易費,故只要有人做買賣,佢就有錢賺,跟幣市牛定熊無直接關係。

睇翻佢2021年數據,BTC下跌的季度,佢收入環比反而高左。(當然,佢上市不久,加上用戶數量變化大,數據參考性要打少少折扣)

另外,佢現時開發緊NFT部份,NFT BETA版已剛上線。未來NFT相信會係一個好大架市場,但會以乜野模式發展,而coinbase能否配合,乘風而上,我地要再觀察。暫時所見,集團依然有潛力,值得投資。

總括而言,你要投資coinbase係可以,但要記住︰
第一,風險十分高,如果投資者不能承受高風險,就不要投資。
第二,小心控制注碼,這股不是無值博率,如果投資者睇好,都只能小注投資,絕不能投資太多,只能佔整個投資組合少少就算。

要先設定總投資金額(總金額一定是不能太多),然後,就要以慢慢分注買入模式,以減少一次過買入價格的風險,當投入了總金額到了上限,就一定不能加注。絕不能以愈跌愈買的策略進行。

=================================

龔成老師簡介

‧ 暢銷書《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》作者

‧ 理財真人Show 節目擔任致富教練

‧ 曾接受港澳多個傳媒訪問

‧ 過往於銀行從事投資相關工作多年

‧ 曾在萬多元月薪狀態下,憑股票累積數百萬財富

‧ 現為全職投資者,擁過千萬財富

‧ 於網上分享投資心得,瀏覽量過百萬,為人氣博客,解答網友理財問題逾20,000條

‧ 專欄作家

‧ 擁財務學學士學位

‧ 股票課程導師,香港及澳門學生人數逾4,000人

‧ 過往10年投資成績,過半能獲利超過1倍以上

Facebook 專頁「龔成」粉絲人數超過200,000人

8

==================================

Text by BusinessFocus Editorial

免責聲明:本網頁一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本公司無涉。投資涉及風險,證券價格可升可跌。

🏆 立即報名「中小企卓越成就獎2024」

【了解更多最快最新的財經、商業及創科資訊】

👉🏻 追蹤 WhatsApp 頻道 BusinessFocus

👉🏻 下載 BusinessFocus APP

👉🏻 立即Follow Instagram businessfocus.io

最新 金融投資熱話專頁 MarketFocus