download BusinessFocus app
【龔成專欄】比亞迪大瀉令散戶動搖 騰訊曾升百倍 短炒易錯過大升浪 龔成:惟有跌市忍耐 長揸才能獲巨利

【龔成專欄】比亞迪大瀉令散戶動搖 騰訊曾升百倍 短炒易錯過大升浪 龔成:惟有跌市忍耐 長揸才能獲巨利

Finance Investment Bloggers
By 龔成 on 18 Apr 2022
專欄作家

被譽為電動車股王的比亞迪(1211)股價近月大漲後急跌,不少散戶對它的信心動搖,不知應否止蝕,並後悔當初沒有在高位放掉股票。投資書籍作者兼股評人龔成坦言,要在跌市中堅持長揸股票不容易,但若深信手上股票是優質,便必須以堅定意志長期持有,甚至在股價大跌時逆市趁低吸納,這樣才有機會賺取大額回報。他以騰訊及港交所兩優質股為例,多年以來股價在大幅波動中累積上升數十甚至上百倍,但若散戶以短炒方式運作,恐怕永遠無法享受到股價的巨額升幅。故散戶惟有堅定持有,才有機會跑贏及戰勝大戶。

騰訊及比亞迪兩優質股近日均曾大跌,考驗散戶的定力。Photo from BusinessFocus

 【散戶心聲:手持比亞迪遇大跌市,如何是好?】

Q25699:

老師你好。我想請問一下有關1211這股票。老師你一路都講比亞迪(1211)係潛力股,業務發展理想,佢研發不斷進行,汽車賣得好好,電池技術發展得很好,行業前景良好,企業長遠發展正面。你一路都有提點佢現價處於高位, 而你提及到佢起碼落返去$100以下為便宜合理區。 如果咁既話, 如果這股私合理價是around $100 那為何當佢升到$300幾時佢已經係處高位, 甚至係在不合理區時。點解老師當期時都唔考慮放?

我有些唔明白。如果比亞迪的發展潛力咁好, 而且佢車銷售亦理想。而老師一路亦都話佢係一隻很好的潛力股。咁既話佢既股值一定亦會升的。點降當佢去到200幾甚至上300 時會覺得佢價位是不合理呢? 如果都知佢升得太快太急所以價位不合理,而預計佢的合理水平是$100或以下,咁點解唔當佢係高位時期$300放左去,而當佢去返合理水平先買返呢?

我有買老師既書睇,都明白你一路都教大家正確既買股票概念。是長線投資一間公司,而唔係抄抄買賣,短線於一時的搵快錢。不過我唸唔明白,以1211為例的情況。

比亞迪過去曾捱過多次大跌浪。Photo from BusinessFocus

龔成老師︰

投資的確不是炒賣,長線持有才可以賺大錢。

我地可以計平貴,有時在貴的時候賣出,等跌的確有賺,但最大的問題是,好多野好難預測。

我持有比亞迪(1211)超過10年,由$2x升到上$88,試過跌翻$12,之後多年後,又升到近期$270,之後又跌翻。

當時比亞迪(1211)$88是貴,如果我當時賣出。等跌後再買入,的確有賺。

但如果好似近年,佢的業務開始增長,全球都開始用電動車,佢上到$100最初是貴的,但由於企業價值有增長,慢慢又變成合理,如果用你的方法,就會在$100賣出了,而失去現時大升機會。

你試想想,如果用你的方法,在過往,港交所(0388)、騰訊(0700)在這麼多年,股價上升100倍時,你的方法能賺到多少?可能連一倍都賺唔到。你怎樣能賺到100倍,就是「唔好賣」。

估值是一個要計企業的價值,過程比較複雜,好難三言兩語就講到,就算在我的股票班,都要講5小時,裡面會講3種估值方法,有難有易。

簡單來說,你要考慮企業的生意、盈利、現金流、資產、負債等財務數據,同時要比較行業,考慮這企業的經營情況,之後的環境又會如何。這都是計算的基礎。

我地講長線,不是代表永遠不賣股票,如果股價過高,其實可以將部分放賣,只是如果你等「回到合理水平再買」,有可能面對另一個風險就是「賣左買唔翻」。

大跌市中應否沽走優質股止蝕,是一個艱難的問題。Photo from BusinessFocus

試問這年間你有見過比亞迪(1211)回落到$40的水平?不要說$40,甚至$100我都未曾見過。市場會因爲行業的好前景而給予較高的市盈率,因此股價好難回落,既然是市場認同的優質股,爲何要賣出?

我地最重要是講求「財富最大化」,不是不賣股票,而是在累積財富,會用「先增值,後現金流」作策略,前者著重增值,之後就會改變策略,將已增值了的資產,轉為現金流類別,而我地就是不斷享受資產產生的現金流。

==================================

龔成老師簡介

‧ 暢銷書《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》作者

‧ 理財真人Show 節目擔任致富教練

‧ 曾接受港澳多個傳媒訪問

‧ 過往於銀行從事投資相關工作多年

‧ 曾在萬多元月薪狀態下,憑股票累積數百萬財富

‧ 現為全職投資者,擁過千萬財富

‧ 於網上分享投資心得,瀏覽量過百萬,為人氣博客,解答網友理財問題逾20,000條

‧ 專欄作家

‧ 擁財務學學士學位

‧ 股票課程導師,香港及澳門學生人數逾4,000人

‧ 過往10年投資成績,過半能獲利超過1倍以上

Facebook 專頁「龔成」粉絲人數超過200,000人

8

==================================

Text by BusinessFocus Editorial

免責聲明:本網頁一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本公司無涉。投資涉及風險,證券價格可升可跌。

🏆 立即報名「中小企卓越成就獎2024」

【了解更多最快最新的財經、商業及創科資訊】

👉🏻 追蹤 WhatsApp 頻道 BusinessFocus

👉🏻 下載 BusinessFocus APP

👉🏻 立即Follow Instagram businessfocus.io

最新 金融投資熱話專頁 MarketFocus