download BusinessFocus app
【龔成專欄】波動市股價升跌難測 月供股票減風險 月供須堅定不移 勿因股價低殘停買

【龔成專欄】波動市股價升跌難測 月供股票減風險 月供須堅定不移 勿因股價低殘停買

Finance Investment Bloggers
By 龔成 on 03 Apr 2022
專欄作家

近月股市大起大落,不少散戶痛苦地跌入「高買低沽」的陷阱,損失慘重。投資書籍作者兼股評人龔成認為,只要選對了有潛質的公司,定額月供有關公司的股票可以用客觀的方式定期增持優質股,風險較低,值得推薦。但他提醒月供股票一定要堅定,勿因股票價格突然急跌而停供,免錯失了以低價買入優質股票的機會。但他提醒美股會收取高達3成的股息稅,故若希望藉買美股收息的投資者要小心衡量得失。

月供優質股票是令財富增值的好方法Photo from BusinessFocus

 【Q25304:股票跌不停,應否停止月供?】

老師,先感謝你,一直都有睇你FB,因為你的思維,讓我脫離左我老公比左我11年的舒適圈,已重回社會工作,人工真係唔高,得$10000左右,但係出返黎做野真係個人充實左好多

我亦都做左先斬後奏GE決定,買左科技+健康基金,月供$3000,供5年 (美股最近跌,但一樣賺緊錢)

儲蓄計劃,年供$36000,供5年 (已供2年,呢樣最不智.......所以決定供完後唔再買)

醫保$1000

老公+我月儲$13000-15000

823  304股  成本70

1810 845股 成本26.6

AAPL  12股 成本172.16

VTI  10股  成本231.745

VTI 和 AAPL 是月供的, 但只要價位高,就會先停供,價低時會補供返,呢兩隻我係想長持10年,特別是AAPL

1) 1810原本之前是每月供$1000,但佢就一直跌,跌到我開始怕,真係唔知應唔應該再供落去,定係等佢再跌多D時先再供?

2) 823 4個月買一手,最近又係跌,亦知佢係要長持收息,但港股真係跌到無晒信心,真係唔知點做好

3)最近睇中美股 KO 和 KHC, 請問呢2隻算唔算平穩增值股?前景如何?

再次感謝老師

唔記得講,我跟老公快40了 XDDD

股市難言何時見底反彈,故勿因股票下跌而停止月供股票。Photo from BusinessFocus

 龔成老師︰

恭喜你,為人生找到新目標。

保險,其實買足夠保障就可以,儲蓄保險不用買太多。不過,你已經供左2年,我建議你供埋佢。

VTI和AAPL月供係可以, 你要現時策略都得。但如果你自問投資經驗未算好高,我建議你不論價格水平,一直供,並長時持有。因為我見不少人,都好似你咁做。但係平貴估算時,出現錯誤,令到最終得不償失,所以你自己再諗諗,睇下個月供入市方法,有無需要調整。

1) 簡單來說,月供股票就是你每月將現金,買入某一隻或多隻股票,慢慢咁樣儲貨。坊間不少銀行都有提供月供股票服務,你先開證券戶口,然後登記做月供股票。形式就是每月投入相同的金額,買入同一隻或多隻股票,並持續進行。

例如,每月以相同金額$10,000 買入盈富基金(2800),假設第一個月股價為$25,就能買入400股;第二個月升至$35,就能買入286 股;第三個月跌回$30,就能買入333股。總結這三個月,投入了的資金為$30,000,累積股票為1019股,平均買入價為$29.4。

由於月供股票每月投入的金額相同,因此當股價上升時,買入的股數自然減少,而當股價下跌時,就自然會買入較多股數,如同自行調節一樣。所以,其實佢愈跌,反而造就你入多D貨機會,所以你係而個時候,只要佢長線本質無變,你係唔應該停供。 睇翻小米(1810)本質,近期雖然回調不少,但未見質素有明顯變差,建議你照月供。

2) 唔好比個情緒,主導你投資決定,我地要理性分析。領展(0823)唔見質素出現問題,你可照持有和定期增持。但佢唔係純收息,而係收息配以一定增值能力的平穏增長股。

3) 可口可樂(KO)算係平穏增長股類,有一定質素,但現價唔平,最好用分注或月供去慢慢儲貨。Kraft Heinz Co (KHC)有質素,但增長力唔高,偏向係收息型股票。但香港收美股股息,係要比30%稅,故不太建議作為投資目標。

==================================

龔成老師簡介

‧ 暢銷書《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》作者

‧ 理財真人Show 節目擔任致富教練

‧ 曾接受港澳多個傳媒訪問

‧ 過往於銀行從事投資相關工作多年

‧ 曾在萬多元月薪狀態下,憑股票累積數百萬財富

‧ 現為全職投資者,擁過千萬財富

‧ 於網上分享投資心得,瀏覽量過百萬,為人氣博客,解答網友理財問題逾20,000條

‧ 專欄作家

‧ 擁財務學學士學位

‧ 股票課程導師,香港及澳門學生人數逾4,000人

‧ 過往10年投資成績,過半能獲利超過1倍以上

Facebook 專頁「龔成」粉絲人數超過200,000人

8

==================================

Text by BusinessFocus Editorial

免責聲明:本網頁一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本公司無涉。投資涉及風險,證券價格可升可跌。

🏆 立即報名「中小企卓越成就獎2024」

【了解更多最快最新的財經、商業及創科資訊】

👉🏻 追蹤 WhatsApp 頻道 BusinessFocus

👉🏻 下載 BusinessFocus APP

👉🏻 立即Follow Instagram businessfocus.io

最新 金融投資熱話專頁 MarketFocus