【戴耀豪專欄】港股一浪低於一浪 連殺幾檔牛證重貨區 「短期有望反彈 見24,600」

之前同大家講要留意返期指結算日，昨日就睇到整體大市都係比較弱勢，跌378點，收喺23,475點嘅位置，殺咗好幾檔牛證重貨區。

圖表上會見到一浪低於一浪嘅形態仲未改變，由25,700點浪底再碌到落嚟跌穿埋23,500點水平，跌幅超過2,000點，如果而家再去追沽，值博率真係唔高，我就覺得嚟緊開返支陽燭、恒指轉升嘅話，出現技術性大反彈嘅機會反而會比較大。我相信較大阻力位（即反彈預測位）應該會出現喺下跌裂口底部，大概係24,600點水平呢啲位置。

Photo from BusinessFocus

短期內唔建議大家再追沽，因為冇乜肉食；但博反彈都要留意返，始終大市個勢都係比較弱，都見到恒指走勢繼續畀多條主要平均線（十天、二十天、五十天平均線）壓住：

10天線：23,494點
20天線：23,488點
50天線：23,451點

恒指大趨勢都係下跌為主，即使短期內有機會反彈，但大家都不宜太進取，建議大家好好控制注碼，繼續忍手儲下子彈先啦。

利益申報：
本人沒有持有上述文章提及的股票

戴耀豪
結好證券客戶投資組副總裁

免責聲明：本網頁一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本公司無涉。投資涉及風險，證券價格可升可跌。