【龔成專欄】心急用百萬積蓄買股短炒 險輸掉買樓首期 龔成：2年內買樓不宜買股 應留現金

【引言】人的貪念往往無窮，有讀者辛苦多年儲了120萬首期，原準備快要買樓，但忍不住動用了90萬即大部分首期買股，疑企圖短炒獲利，結果一度因股價大跌而寢食難安。投資書籍作者兼股評人龔成提醒，買股票投資有三大重要原則，除了是買股前必須要「多做功課」確認買入股票的公司值得投資；投資者並應堅守只「用閒錢」去投資這原則；最後，若準備動用的巨額資金原來在一至兩年內有重大用途如用作買樓首期，那根本就不應用來投資股票。在這情況下，讀者應該要盡量「保留大部分現金」，避免因首期不足而錯過置業機會、又或是因在高位買錯股票被迫沽貨套現致蒙受大額損失。

【龔成問答信箱】

 Q23401：

龔sir,有感而發，我係開始睇你FB之後，呢一年先開始買股票。不經不覺越買越多貨，用咗買樓120萬首期嘅90萬入貨，價又唔係入得特別抵。

早排個股市一路插，深切明白你點解成日叫大家要等股價要去到合理區，甚至合理區底部或便宜區先好買。同埋，唔好用短期會用到嘅錢唔好買股票。

早排見個市一路插，我就一路好擔心，心理壓力好大，驚D錢扎死哂，影響我買樓。我趁早前個市升番，我走咗幾十萬貨，個心先定D。

Photo from BusinessFocus

今日走完嗰D貨，無乜賺蝕，而家我覺得自己好似白折騰咗幾個月咁。

投資真係一門好深嘅學問，經過今次之後，希望可以繼續跟你學嘢，調整好心態，再繼續努力。

繼續向財務自由進發，謝謝你

龔成老師︰

有幾個要點要提翻！

第一，投資前要有一定的理財知識。

第二，如果該資金將會在1、2年內動用，一般都不會投資的，如果你有見我答讀者問題，當我見到佢話會2年內買樓，都會建議佢「留大部分現金」。

第三，你經驗不多，但在一年內將$120萬中的$90萬入市，其實會太急。

第四，我地投資以「閒錢」為主，當投資後，就不用太著重短期股價，而是集中企業分析，你要明白這一點，我相信你心理上未做到這點。

第五，買股票前要多做功課，如果你買入前連1小時的功課都無做，投資知識不足，長遠是很難賺到錢的。

Photo from BusinessFocus

現時你已處理好，其實就無問題。

我又覺得你不是白折騰，因為你獲得了很好的經驗。這次的經驗，令你真正明白到價值投資的原因和重要性。對你住後投資的路，絕對係有利。未來時間，你就努力學好相關知識，令投資之路走的更好、更遠。記住，一定要「先求知，後投資！」

如果你想了解多些基本投資理念，你可以先睇我架《80後百萬富翁》、《財務自由行》和《股票勝經》，都適合初學者。之後，你想了解點去初步選股，定平貴等技巧，就可以睇埋《選股勝經》和《年報勝經》。若你想真正能完全靠自己選股、投資、評估平貴，學好整套投資分析技巧，我建議你去報我投資班，認真學好整門知識，會較理想。

==================================

龔成老師簡介

‧ 暢銷書《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》作者

‧ 理財真人Show 節目擔任致富教練

‧ 曾接受港澳多個傳媒訪問

‧ 過往於銀行從事投資相關工作多年

‧ 曾在萬多元月薪狀態下，憑股票累積數百萬財富

‧ 現為全職投資者，擁過千萬財富

‧ 於網上分享投資心得，瀏覽量過百萬，為人氣博客，解答網友理財問題逾20,000條

‧ 專欄作家

‧ 擁財務學學士學位

‧ 股票課程導師，香港及澳門學生人數逾4,000人

‧ 過往10年投資成績，過半能獲利超過1倍以上

Facebook 專頁「龔成」粉絲人數超過200,000人

（https://www.facebook.com/80shing）

==================================

Text by BusinessFocus Editorial

免責聲明：本網頁一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本公司無涉。投資涉及風險，證券價格可升可跌。