download BusinessFocus app
【龔成專欄】買優質股後即大升 應否急於沽貨止賺? 長揸勝短炒 升一倍賣一半可減風險

【龔成專欄】買優質股後即大升 應否急於沽貨止賺? 長揸勝短炒 升一倍賣一半可減風險

Finance Investment
By 龔成 on 12 Sep 2021
專欄作家

【引言】不少年輕股民都試過憑直覺或分析,成功以低價買入有潛質的股票,但由於買入股票數量不多,在股價上升後往都苦惱於應是繼續長揸還是先行沽貨以鎖定利潤。投資書籍作者及股評人龔成認為,雖然理論上長揸優質股才是最佳投資方法,但在動盪的股市及實戰環境,往往無絕對的答案。他指若散戶感擔心,可以考慮採取「升一倍,賣一半(持股)」的策略去處理優質股的去留問題,因為股票價值會隨社會及經濟環境而改變,例如「港交所(388)」或「騰訊(700)」等潛力股即屬一例。龔成提醒貪圖短線利潤的壞處,是一旦盡沽手上優質股後股價再升,便會失去獲巨利的機會致後悔莫及。故投資者應該多學股神巴菲特,藉仔細分析尋出優質股後再作長線投資,這才能有最大機會獲取最大的利潤。

【理財個案--怎樣克服快速獲利的誘惑?】

老師,有問題想問,你書中都提到優質股票要長揸,然後咁佢地係有冇適合獲利時間呢?

因為一日唔拿出來一日都冇真正袋左啲錢,點樣為之應該要獲利呢?到底係點衝量呢?

好似我隻騰訊咁190買(但只有1手),現在已倍升。我此刻咁高位應否先獲利左先呢?能賺左先的感覺好象好實在。

我年輕,想盡快滾大財富。

賣出後再買應該能加速財富增值。

小市民長線投資勝短炒,若經常急於沽貨止賺,難賺取巨大利潤。Photo from BusinessFocusw

個案重點:

‧年輕

‧持有騰訊應否獲利

‧想盡快滾大財富

 

重點目標:

‧了解更好的投資模式

‧想有效累積財富。

 

龔成老師:

我地在原則上,會偏向長線投資,特別是優質股。愈有質素的股票,就會愈偏向長線持有。

在實戰上,卻無絕對的答案。

我地會用平貴的角度分析,如果見到一隻股票到貴的水平,都可以考慮賣出,但無人知賣出後會唔會再升。通常我建議用「升一倍,賣一半」的策略,因為無人知會唔會再上。

以港交所(0388)來說,在現價開始處略貴水平,的確可以賣部分,不過,如果佢之後的「企業價值」提升呢?

如果佢的合理值,因為佢業務增長,大環境配合而有所改變,現價都有機會慢慢由貴變合理,這是長遠有機會出現的。

所以,投資無絕對,無人有一個絕對贏的方法,我地都只能用策略去做平衡。

111c

騰訊(0700)是優質股,如果只有一手,我會建議你持有。

總之你記住,愈優質的股票,就要愈貴先會考慮賣,而賣出後,無人知能否買得翻。你要想想,如果賣出後無法買翻,那個價才值得你賣出?

你要記住,投資優質股一定係長線持有,先至機會得到最大利潤。

好多散戶都會見升左咁多,不如放左佢,等回再吸翻。但好多時股票反而一直升,無人會知,咁你會失左升值機會之餘,要用更高成本才能買回優質股,是得不償失。

當然一隻優質股如果估值上已經好貴,你可以放走少部份(唔係全部)。我地無人知會唔會忽然跌翻,只能用一些策略去做。如果你持貨想賣,有時「升一倍賣一半」都是簡單策略。但你手上騰訊由於只有一手,無法賣一半,所以建議你長線。

同時你可以睇下,全球最賺錢的投資者、基金經理,佢地的投資方法係點?以巴菲特來說,佢是長線投資去得到巨大利潤的,所以我地都應該學這方法。

===============================================

8

龔成老師簡介

‧ 暢銷書《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》作者

‧ 理財真人Show 節目擔任致富教練

‧ 曾接受港澳多個傳媒訪問

‧ 過往於銀行從事投資相關工作多年

‧ 曾在萬多元月薪狀態下,憑股票累積數百萬財富

‧ 現為全職投資者,擁過千萬財富

‧ 於網上分享投資心得,瀏覽量過百萬,為人氣博客,解答網友理財問題逾20,000條

‧ 專欄作家

‧ 擁財務學學士學位

‧ 股票課程導師,香港及澳門學生人數逾4,000人

‧ 過往10年投資成績,過半能獲利超過1倍以上

Facebook 專頁「龔成」粉絲人數超過200,000人

==================================

Text by BusinessFocus Editorial

免責聲明:本網頁一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本公司無涉。投資涉及風險,證券價格可升可跌。

🏆 立即報名「中小企卓越成就獎2024」

【了解更多最快最新的財經、商業及創科資訊】

👉🏻 追蹤 WhatsApp 頻道 BusinessFocus

👉🏻 下載 BusinessFocus APP

👉🏻 立即Follow Instagram businessfocus.io

最新 金融投資熱話專頁 MarketFocus